” ولادنا عايزينا نورثلهم علم و ثقافة و حضارة يعيشوا عليهم بقية حياتهم هما و أحفادهم، مش مخلفات بلاستيك الإزازة الواحدة فيهم مش هتتحلل غير بعد 450 سنة.. ياريت نفكر فيهم و في الورث اللي عايزين نسيبهولهم مش التلوث اللي هنسيبهم متحاوطين بيه “

Very Nile هى أول مبادرة للتنمية المُستدامة، بمعنى تنضيف النيل من المخلفات اللي بتكون موجودة فيه مع التوعية بأهمية حماية البيئة و الحفاظ عليها.

‏Very Nile كمان دمجوا ما بين التأثير الاجتماعي و التأثير البيئي، و طوروا من الحلول الصديقة للبيئة عشان يزيلوا النفايات الغير عضوية من النهر.

الفنان كريم قاسم كان بيشارك في الفاعلية اللي عملتها مباردة انقاذ محمية وادي دخلة مع Very Nile لتضيف المحمية من مخلفات البلاستيك.

و بعد ساعات من جمع المخلفات، كريم قاسم أكد إن كلنا لازم يكون لينا دور حقيقي و إيجابي و يكون عندنا وعي نقدر بيه نحافظ على المناطق الطبيعية دي، و لازم يكون في تغييرات جذرية في طريقة استهلاكنا للموارد البشرية بشكل عام عشان نقدر نحافظ على البيئة و ننقذها.

كريم قاسم كمان هو سفير مبادرة Very Nile لانقاذ النيل و حماية البيئة المدعومة من وزارة البيئة و الأمم المتحدة United Nation، كمان هو ليه دور ملحوظ جداً في دعم القضايا المتعلقة بالبيئة و بيحاول دايماً يُنشر الوعي على وسائل التواصل الاجتماعي الخاصة بيه، عشان يسلط الضوء على مبادرة Very Nile و يعرف الناس هما بيعملوا إيه أكتر.

https://www.instagram.com/reel/CLRrJDdnL-d/?igshid=13vr65hqdbm0t

عايزين نفتكر إن آخر أعمال فنية قدمها كريم قاسم كان مسلسل “مملكة ابليس” الجزء الأول و التاني، و مسلسل “لما كنا صغيرين” اللي اتعرض في شهر رمضان اللي فات، و كمان بيتعرض ليه دلوقتي على Netflix فيلم Sawah، The First Line و ليل خارجي.