Share
العالم بيحتفل بـ”الهالوين” في آخر يوم من أكتوبر، الي بنلاقي فيه الناس بتلبس لبس تنكري وبيزينوا بيوتهم بزينة فيها أجواء رعب وأشباح. بيرجع أصل احتفال الهالوين لمهرجان أيرلندي قديم، قبل مئات السنين.اسمه مهرجان “سمحين” في حضارة الكيلتك الأيرلندية قبل ألفين سنة، وكانوا بحتفلوا بالسنة الجديدة في الأول من نوفمبر.
ايه هو المهرجان؟
في معتقدات الكيلتك يعتبر 31 أكتوبر آخر يوم للصيف، قبل ما يبدأ الشتاء البارد، وهو اليوم الي بيخرج فيه الأموات للأرض، وفقا لمعتقداتهم، وكان عندهم ظن إن الأرواح الراحلة في السنة الي انتهت بتكون عالقة ومبتغادرش للعالم الآخر غير في الليلة دي، وان الأرواح الراحلة بتيجي تزور أهلها، وكانوا بيحطوا كراسي فاضية حوالين الترابيزات ويسيبوا أبواب البيوت مفتوحة. وعشان يطردوا الأرواح الشريرة كانوا بيعملوا احتفال لطرد الأرواح من خلال إشعال النيران وتقديم القرابين، ولبس الأقنعة والأزياء التنكرية لحد ما بقت عادة وحدث سنوي.
ازاي انتشر في العالم؟
بدئت احتفالات الهالوين تنتشر في أمريكا، بعد هجرة الأيرلنديين في القرن ال 19، الي كانوا بيمارسوا فيه طقوس الاحتفال في أميركا. وفي الثلاثينات، اتحول الهالوين لاحتفال مرح واجتماعي شائع بين الدول الأوروبية بعيدا عن أصوله التاريخية الي متعلقة بمعتقدات دينية وثقافية، وكمان بقى بيشمل الأطفال وطقوسهم في التجول في في الأحياء عشان يجمعوا حلويات من البيوت الي بيزوروها.
ليه اليقطين رمز أساسي في الاحتفال بالهالوين؟
سبب استخدام اليقطين وكونه أبرز رموز الاحتفال بالهالوين، هو ان اليقطين موسم حصاده في أمريكا كان بيكون في فصل الخريف وهو نفس توقيت الهالوين، فدا خلى الناس تستخدمه كرمز وتحفر عليه الأشكال المخيفة زي ما بنرسم على البيض في شم النسيم مثلا.
احتفالات مشابهة للهالوين في الوطن العربي
على الرغم من اختلاف طبيعة الاحتفال والمناسبة الي بيحتفلوا بيها، إلا ان “القرقيعان” في دول الخليج فيه شبه من الهالوين من ناحية إن الأطفال خلال الاحتفال بيدوروا على البيوت بأكياس أو سلات يجمعوا فيها حلويات وهم بيرددوا أغاني من التراث الشعبي. والقرقيعان هي مناسبة تقليدية وتراثية سنوية خاصة بالأطفال، بيحتفلوا بيها في نص شهر رمضان.
السودان كمان عندهم احتفال شبيه بده اسمه “يوم الحارة “أو “الرحمتات”، وهي صدقة بيقدمها أهل المتوفى للأطفال الي بيلفوا في الأحياء الشعبية وهم بيرددوا الأهازيج، ويستخدموا الدفوف والطبول وهم لابسين لبس من الثراث الشعبي المميز في آخر خميس من شهر رمضان.
وانتوا شاركونا ازاي بتحتفلوا بالهالوين كل سنة وإيه الحاجات الي بتعملوها؟
I’m Aya, a senior mass communication student. I’m interested in digital journalism and content writing, and I always try to develop myself in these fields. I like hearing stories about people and life and love watching films.
What do you think?
It is nice to know your opinion. Leave a comment.